بقلم
محمد مختار الخولي
– بيكون نفسي اقعد احلل زي زمان واتكلم عن فلسفة المدرب ومميزاتها وعيوبها واطلع بعد الماتش اقول ان المدرب كان السبب في الفوز عشان اختار طريقة مناسبه او كان سبب الخساره عشان اختار طريقة لا تناسب وضعية الفريق او تتماشى مع قوة الخصم … لكن طول ما فيه عدم استقرار بتلاقيني بميل دايما للمدرب طالما انه صاحب cv قوي وبالفعل مدرب محترم وبياخد مني دعم غير محدود مش عشان هو مش بيغلط .. لكن عشان بيكون هو أكتر واحد بيشتغل
– عشان كده فيريرا اخد كريديت الدعم اللامحدود ده وحاليا اوسوريو يستحقه .. على الرغم اني مش بحب ابدا اي مدرب مهما كان اسمه ياخد كريديت الدعم اللامحدود لإن المدرب بيغلط عادي جدا …. لكن احنا بنشجع فريق مفيش حد فيه بيبذل مجهود يستحق الثناء زي ما المدرب بيبذل … بالتالي لا تقدر تلومه ولا تعاتبه .. يادوب تبوس دماغه وتقوله شكرا ربنا يباركلك بس احنا مش نافعين وال بتعمله ده في الفاضي .. انت بتزرع في الصحرا يا كابتن
